ardanlendeelitkufaruessvtr

الإعلام المصري كله بيخطف من بعضه!!

بقلم / محمد النقيب مدير التحرير 

 

فى كل مرة الكل يترقب انطلاقة القناة الجديدة أيا كانت هذه القناة .. المهم مين فيها .. و فى كل مرة نجد القناة الجديدة تخطف مذيعين و مذيعات من اللى قبلها و كأن الساحة الاعلامية مفيهاش غير دول .. و يتم عمل فورمات جديدة و كانه اختراع حصرى رغم ان عدد الفورمات على مستوى العالم عدد معروف و محدد.

و فى كل مرة الحجة جاهزة دول الاعلاميين المهمين و اللى عليهم طلب اعلانى و بيجيبوا إعلانات .. و هؤلاء الاعلاميين لهم فريق إعداد جاهز معاهم بينتقل معهم من قناة لقناة .. و اصبح الاعلامى او الاعلامية هما كل حاجة هما الاعداد و الاخراج one man show و اصبح باقى العناصر مجرد معاونة يتم تغييرها فى اى وقت وفقا لرؤى صاحب الحفلة.

المهم الانطلاقة فى البداية بتكون قوية وفقا لرؤيتهم لكن نفس الوشوش و نفس الضيوف و نفس " المكلمة .. و الرغى " و التغيير الوحيد بيكون فى الديكور .

و كمان فى البداية احنا عايزين وزراء و ضيوف تقال .. و ياخدوا اللى عايزينه المهم التقل و كأنك بتقيس الضيف بوزنه و ليس بقوة ما يتحدث فيه من موضوع .. و دى الحلقة الاولى من القنوات و الاعلام المصري كله بيخطف من بعضه .!!

قيم الموضوع
(1 تصويت)

صحيفه الحدث

Facebook TwitterGoogle BookmarksLinkedin
Pin It