ardanlendeelitkufaruessvtr

العندليب

بقلم  احمد مرسي نيسان/أبريل 01, 2020 212

 احمد مرسي

أول مرَّة تحب يا قلــــــبى

وأنا موعود بالحب معــاك

لمــا تقولْ يا خَلِىّ القــــلب

كان سواح دايب فى هواكْ

لـــو تخونوه ح يقولك توبه

كان علــى قد الشوقْ ويَّاكْ

يَلّهْ اسبقنى يا قلبى وقـــولُّه:

زى الهوا يا حبيبى مــلاك

بحلم بيك عارف من امته ؟

فوق الشوك مشانى زمــانى

وإنت أعز الناس على قلبى

حـاجة غريبة ومش بنساك

إسال وابعت مرة جــــواب

قــوللى: بَحِبَّكْ وانا أهْوَاك

حُبَّك نار ياحــــبيبى بَحِبَكْ

********

وانت كـــــمان حلو وكداب

قلت : الحق عليَّه عـــرفتك

بكره وبعده أكيد أحبــــــاب

لو على حِسْـبْ وداد قــــلبى

ليه مشغول والهوى غــلاب

بالأحضان بالأحضـــــــــان

جانا الــــهوى خبط ع الباب

بينى وبينك ايه يا حـــبيبى ؟

لما تغيب وبأمر الــــــــحب

كنت أحِن إليك فــــى عتاب

 إنت وقلبك صــــــحبة ورد

  بحلم بيك مـا كفايه عـذاب

روحى حياتى الــحب بيسأل

إوعى يعدِّى العمــــر سراب

لمَّا تسافر يوم أو شــــــــهر

 زى الهوى بيفوت الــــعمر

********* 

كان موعود وبأمر الــــحب

ألف خسارة جَرحْتْ الـــقلب

قلبى كمـــان معملش حساب

 ليه مــغرور وتملِّى تَاعَبْنِى

إبقى صافينى مرَّة يا عمرى

بحلــــــم بيك وانت مـعذِّبْنِى

حاجة غريبة إنك تنســــانى

أول مرة تغيب وتسيبنــــــى

وانت كمان ضـــــى القناديل

ظالم قلبى تملِّى ســـــــــايبنى

خايف مرة أحـــــــب عيونك

وانت كمان ياقمر مــــــــدّاح

لما بغنى أغانى حـــــــــــليم

همسة قلــــــــــب بقيت سواح

تيجى تلاقى المـــــركبه عدِّت

********

فيهـــــا شراع ومفيش مــلاح

أنا راح أقـــــــولك ساكت ليه

بكره وبعده ملينى جـــــــراح

فينك صحبة ورد يا أسمــــر ؟

 دمعة حزن ف كل صــــباح

إبقى قابلنى لآخــــــــــــر مرة

نحكى رسالة من تحت المـــاء

وحياة قـــــــــــلبى مع أفراحه

أحلى عيون للهوى سمــــــراء

عاوز اقـولك : إنت حبيبـــــى

وشمسك عنى ف يوم ماتغيب

يا مدوبنى يا أحلـــــــى حبيب

********

قيم الموضوع
(0 أصوات)