ardanlendeelitkufaruessvtr

انا اعتذر للكويت

بقلم صموئيل نبيل أديب نيسان/أبريل 08, 2020 158

صموئيل نبيل أديب

علي عكس كل النغمات الحاليه و المقالات و الفيديوهات التي تندد بفيديو أصدرته مواطنه كويتيه  تطالب بترحيل الأشخاص من دولتها.. التنديد الذي وصل إلى حد أن بعض الفنانين أصدروا فيديوهات تمدح في عظمة مصر و تندد بالمواطنه و تذكر الكويت بعظمة مصر .. 

و لكني على عكس كل هؤلاء

. انا اقول لهم انتم تدمرون العلاقات الكويتية المصرية.. وانتم اسؤ مما تفعله إسرائيل.. 

1- في ظل تفشي الكورونا.. من الطبيعي أن توجد دعوات تطالب بترحيل الأشخاص منتهي باسبور  الإقامة.. إذا كانت دول العالم كلها بما فيها مصر طلعت المساجين من السجون.. الكويت  مش هترحل الألوف موجودين على أرضها بدون باسبور  

.  دول  قنبله موقوته.. هؤلاء الأشخاص من كل الجنسيات و ليسوا فقط مصريين.. مش هيروحوا المستشفي لما يعيوا   لأنه خايف يتمسك و بالتالي هيكون سبب عدوة لكل الناس.. 

2- الكويت كلها كانت أعداد الإصابة فيها قليله.. حتى ابتدت الإصابة تتفشى في الهنود.. الهنود في أي دولة في العالم بيعيشوا تجمعات في نفس الشقة.. و لأنهم برضه مخالفين و متهربين من الباسبور.. تفشت فيهم الإصابة لدرجة ان الحكومه الكويتيه عملت حجر صحي مشدد على العمارات التي يتواجد بها الهنود.

و المصريين كذلك… و الفلبينيين  و و و

3- أي شخص من أي دولة في الكويت بدون إقامة يرحل للعزل .. و مش بيدفع لا مصاريف اقامة و لا مصاريف سفر   أي الحكومه الكويتيه  تتحمل بالكامل.. 

4-  طيب انا لو مكان المواطنة الكويتية

فيه ناس مخالفة  بتاكل من خير الكويت من سنين فاتت .. مش بتدفع ضرائب. و لا تأمينات و لا حتى شلن مساهمه منهم لبناء جامع و لا مدرسة..

و كنت قاعد سنين و انا مستحملك و لكن لما تيجي الكورونا و انت مصاب مش هاين عليك تروح تبلغ عن نفسك و قعدت مكانك و تسببت فى زيادة معدل الاصابة.. 

المفروض اني اعمل ايه   اوزع عليك بواكي ورد؟

يا صحفي يا مثقف .. فكروا  حتي في منظرك قدام العرب.. بيقولوا اشمعنا المصريين هما المتضايقين  اوي  بالرغم ان الترحيل شامل كل الجنسيات.. و لا المصريين بس علي رأسهم بطحه و عارفين أنفسهم  أقل من الهندي و الفلبيني..

عيب صغروتنا قدام العرب

ابوس ايدكم اعقلوا  الكلام قبل ما تشيروا  مقالات تفسد علاقتنا بدولة عربية زي الكويت

دا إسرائيل ما عرفت تعمل اللي انتو بتعملوه

ارجو من كل شخص محترم بيخاف علي الوحده العربيه انه  يشير المقال ده اعتذرا منا للكويت. و اي شخص عنده حد شغال في الكويت يمنش له..

قيم الموضوع
(0 أصوات)
آخر تعديل على الأربعاء, 08 نيسان/أبريل 2020 16:40