ardanlendeelitkufaruessvtr

وصية أمي .....

بقلم صدام جلوب الٲوسي شباط/فبراير 03, 2021 231

بقلم . صدام جلوب الٲوسي

زغار وربونه أهلنه وعلمونه شلون من نگعد بالدواوين

وعلمونه المراجل وَي طيب الأخلاق

ورضعونه الشجاعه والأدب

والدين

وأمي من هزت مهد گالت أللّٰه

وأحنة على ذاك النهج لي هسة

ماشين

أمَّية هيَّة لٰكن تعرف التوحيد

وماتشرك بربهه وتجعل

إلآهَين

ويوم المرضنه رقَّتنة بالأٰيات

وتطلب من الله الشفاء لكل

المسلمين

ويوم الكبرنه گالت أوصيكم يالعيال

لوسائل گصدكم أعطو الصاع

صاعين

ويبني لاتضحك أبد وبوجه مفجوع

وأحذر بياض البسنَّك ينحسب

دين

وأخذ طبع الأسد من تگعد

أبديوان وأفطن كلامك خلة

ابموازين

اوحاذر لورافگت لترافج المذموم

ولاتاكل المنهوش ولاحته

أيدين

أعتلي نخلك لوجعت گول بسم الله

وترس چفوفك رطب صوغه

للطيبين

وخلك كريم ومرسه للصحبان

ولو صاحب نخاك أكرمله

عينين

وخل وجهك بشوش وهلَّي بالخطار

ومضيفك لآ تسده أفتحله

بابين

وَصَّيتَك ييمه والوعد لاتنساه

دور صحبت الزين ولاتگرب

النذلين .

قيم الموضوع
(1 تصويت)

صحيفه الحدث

Facebook TwitterGoogle BookmarksLinkedin
Pin It